Euskara sustatzeko dirulaguntza deialdia argitaratu du Oiartzungo Udalak

Arlo sozioekonimikoan euskararen erabilera sustatzeko laguntzez gain, TIcket Bai euskaraz ezartzea eta PuntuEus domeinua jartzea diruz lagunduko ditu elkarteak, merkataritza / ostalaritza establezimenduak eta enpresak.

Arlo sozioekonomikoan, lau dirulaguntza mota:

  • Kanpo errotulazioa euskaraz jartzeko dirulaguntzak. Euskara hutsean jarriz gero, gastuaren %50 lagunduko da (300 euroko muga). Elebitan badago eta euskara lehenesten bada, egindako gastuaren %35 (150 euroko muga).
  • Dirulaguntzak euskararen erabilera normalizatzeko ekintzak sustatzeko eta euskara-planak diseinatzeko zein haien jarraipena egiteko.
  • Ticketbai tresna lehen aldiz euskaraz jartzeko laguntzak. Egindako gastuaren %50eko laguntza (200 euroko muga).
  • Webguneetan “Puntueus” domeinua sustatzeko laguntzak. Domeinuaren eta ostatatzearen %50eko laguntza emango da (200 euroko muga).

Eskaera egiteko behar den dokumentazioa:

  • Eskabide orria behar bezala beteta
  • Erakunde eskatzailearen, pertsona arduradunaren edo ordezkariaren NAren fotokopia
  • Elkarte, erakunde edo interesatu eskatzailearen IFZren fotokopia
  • Kontu korronte bat ireki duela egiaztatzen duen banketxearen edo aurrezki kutxaren ziurtagiria.
  • Gastuaren jatorrizko faktura edo kopia konpultsatua.

Epea:

Dirulaguntza eskaera egiteko azken eguna 2022ko abenduaren 1a izango da.

Bateragarritasuna:

Dirulaguntzak bateragarriak izango dira erakunde publiko edo pribatuek xede bererako eman ditzaketen bestelako dirulaguntzekin, beti ere, laguntza bakoitzean zehaztutako mugak gainditu gabe.

Dirulaguntza deialdi osoa irakurtzeko kalka hemen.

Related Posts

Utzi erantzuna

Zure e-posta helbidea ez da argitaratuko.