Elhuyarrek hitz-jolas bat jarri du martxan Elhuyar Hiztegiaren webgunean, erabiltzaileek euskarazko idazkera errepasatzeko eta hobetzeko aukera izan dezaten. Azkar eta erraz, bost galdera berri erantzun ahal izango dituzte egunero.
Hizkuntza-mailaren inguruan sortu den kezka aintzat hartuta, hitz-jolasaren helburua da erabiltzaileei laguntzea akatsak antzematen eta horiek zuzentzen. Horretarako, Elhuyarrek segundo gutxi batzuetan egiten den ariketa bat sortu du.Hitz-jolasaren erabiltzaileak bost galdera erantzun behar ditu, bi erantzunen artean aukeratuta. Amaieran, asmatutako galdera-kopurua eta erantzun egokiak ikusiko ditu. Galderak askotarikoak izango dira: ortografia, deklinabidea, sintaxia…
Hitz-jolasa bi tokitan aurkitu daiteke: Elhuyarren sare sozialetan, https://hiztegiak.elhuyar.eus/jolasa eta Elhuyar Hiztegiaren atarian.