Entitateen komunikazioan sakonduko dugu Lanin podcastean. Enpresa baten logoa edo errotulu nagusia baino gehiago da komunikazioa. Izan ere, bezeroak ikusten eta entzuten duen guztiak eragiten dio enpresa baten irudiari: erakundearen izenak, katalogoak, webguneak, telefonoa nola hartzen dugun, langileek nola hitz egiten duten enpresari buruz…
Eta, gaur egun, sare sozialek ere garrantzia handia dute bezeroekiko harremanetan. Gaur gaurkoz, enpresa munduan Instagram eta LinkedIN dira erabilienak.
Bezero eta erabiltzaileekin harreman birtuala izateko komunikazio-kanal garrantzitsuenak dira sare sozialak eta kanal edo plataforma digitalak. Azken urteetan, gainera, indar handia hartu dute. Horren inguruan arituko gara irrati-saioan.